رن عليك رقم غريب!!

يرن جوال ساره..



ألو..


هلا.. هذا جوال ساره (صوت ذكوري ماتعرفه)


لا غلطان...


طيب نوره....


:: طوط :: تقطع الخط بوجهه



((جاب اسمي مجرد صدفه!! ،، او لان الجوال باسمي!! ،، يمكن يعرفني ،، اذا دق مره ثانيه بتصرف


معاه!! ))



₪₪₪₪₪₪₪₪



دانه جالسه بالصاله مع اهلها..


يرن الجوال برقم غريب..


خذ يا أحمد _ أخوها الاكبر_ رد على جوالي رقم غريب ماعرفه،،


الو.....


هلا....


فيه أحد داق على جوالي!!


يغطي أحمد السماعه بيده ،، دانه انتي داقه عليه!!!!


لا والله مادقيت!! ولا بالغلط حتى


((جوال دانه استقبال!!!!!!))


يعود للمكالمه


هلا متى دقينا على جوالك


...........


ما شالله والساعه ست ونص!!



................



لا محد داق يالنصاب ياللي فيك ومافيك


يا............ تلعب على بنات الناس


فيك خير تعال قابلني


الله ياخذ....الله.......


ويسكر أحمد ودمه يغلي ويبدى يرغي ********


كم مره دق!؟


قد دق عليك أحد غيره!!


((دانه تهوجس،، ليتني ماعطيته،، ضيقت صدره على شي مايستاهل!!! ونكدت قعدتنا ع الفاضي!!))





₪₪₪₪₪₪₪₪





سديم في السنه الثانيه الجامعيه دق جوالها برقم غريب تطالعه بريبه أرد والا ما ارد،،



هلا..


هلا قلبي..


قلبك مين ياقليل الادب يالي ماتستحي يالي.. يالي.. الخ،،


أموت عـ المعصبين أنا


كل تراب،، أنت وش تبي أنت!!من عطاك رقمي!!وليه .. ومن قال... الخ،،


بعد ان كثر الكلام


::: طوط :: تقطع الخط بوجهه


رجع دق عليها بوقت متأخر من الليل


أهلين


انت ماتقول لي وش تبي!! ياخي قلت لك ماني راعيه هالحركات،، ماعندك اخوات انت!! ماتخاف من


ربك!!


<< يدخل ابوها بعد ماسمع صراخها>>


( اقفلت الخط خلسه)


من تكلمين؟!


وحده من صديقاتي!!


نامي يابنيتي ولا تكلمين باخر الليل


يقطع كلامه صوت جوالها يرن


اخذ ابوها الجوال:


هلا ياعمري انتي..
. . . . . . . . . . . . .
الو..
. . . . . . . . . . . . .
ياعسل ردي..
. . . . . . . .


((تنهار اعصاب الاب،، تنهار ثقه الاهل،، يدخل الاب المستشفى من التعب،، وتحرم سديم من الدراسه


ومن كل شي لين يجيها عريس الغفله!!!))





₪₪₪₪₪₪₪₪





جوال سميه دايم سبيل!!


مره بالصاله يلعبون فيه اخوانها،، ومره تاخذه اختها تصور،، ومره،، ومره ،،


نادرا ما يرن ويكون معها!!



دايم تلقى 5 مكالمات لم يرد عليها!!


رن.. رقم ماتعرفه.. بكل بساطه ردت


............................


الو.. الو.. ( صوت ذكوري لم تألفه )


............................


هيه ردو.. أكلم صنم انا !!


..............................


وترمي الجوال على الكنبه،، وتخلي السماعه مرفوعه وتكمل حياتها عادي...


واخونا في الله ينتظر احد يرد عليه،، بعدين اعجبته السالفه يسمع سواليف العائله !!


ساعه وسكّر ... ايه ساعه!!


يدق..في وقت ثاني..


وكالعاده،، ترفع الجوال احد ماتعرفه تخليه ينلطع وتروح!!


((سميه بنظرها انها مريحه بالها من القرقه وكثره اللغي،، وشوله اقول لابوي، اخوي،اخسّر الي يدق


وابرد حرتي فيه!!


يرسل لها بعد مدّه اسماء اخوانها،، حتى اسم شغالتهم!!! ))





₪₪₪₪₪₪₪₪





ساره / دانه / سديم / سميه / حصه / منيره .. وكل البنات!!


يومياً تصير مثل هالمواقف!!



عزيزتي الفتاهـ ،،،




في مثل هالمواقف..



**** برأيكـ /ي وشو التصرف السليم؟!



ترد! تحقر ! تعطي ابوها او اخوها!



****ماهو ردّ فعل ( الاخ / الاب ) في مثل هالمواقف؟!



****دق أحد يعرفكـ بالاسم وش بتسويـ /ـن؟!



****تجربتككـ لو قد دق مغازل لا سمح الله وش الاسلوب الامثل
الي نفع معه


:
:




وبانتظار مناقشاتكم ..

برأيكـ /ي وشو التصرف السليم؟!

اول شي نحكي مع الشب .. بعدين اذا مارد بنروح لاهله .. بعدين ان ما زبط حاجة من التنين

يا بنكسر راسو .. يا اما هو والشرطة يتخلصووا

ماهو ردّ فعل ( الاخ / الاب ) في مثل هالمواقف؟!

جاوبت فووق بس اكيد راح يكون اولها غضب وزعل بس الحكيم اللي بيتصرف على روااقة

دق أحد يعرفكـ بالاسم وش بتسويـ /ـن؟!

عادي .. بس ممكن احرجوا بالكلام ما اخليه يمسك جوال من اصل

تجربتككـ لو قد دق مغازل لا سمح الله وش الاسلوب الامثل الي نفع معه

نفس الجواب في السؤال الاول ..}


يسلمو خيتو ميمي على الطرح

والنقاااش الروووعه

تسلم اناملك

على الطرح

juba
منووور يسلموو كتير على المرور
تحيتي:
انا
ميمي

يسلمووووووووووووووو ما عندي جواب مريتب بشبه هيك قصة

هههههههه ويا رب ما تمري كمان
يسلموو على المرور منوورة
تحيتي:
انا
ميمي