اسئله للبنات فقط

سئــــــــلة البـــنات :


1) هل تريـن وجود فرق بين الوقت الحالي وقبل 8 سنوات في التربية وطريقة اللبس وعاداتنا وتقاليدنا ؟

أكيد طبعا وفرق شاسع كمان..

2) ماذا يمكن قوله لوالدك ولوالدتــك .. بخصوص طريقة تربيتهم لكي وتفكيرهم ؟

أقلهم مررة شكرا لأنكم ربيتوني أحسن تربية لانو لو مو حرصهم على تربيتنا كويس كان ضعنا في دا الزمن الصعب..

3) هل هناك تخوف لديك من العنوسة ؟ ومتى تبدئين بالتفكير بموضوع الزواج ؟ وهل هو موضوع يشغل بالك ؟

لا أبدا لانو محد ياخذ غير نصيبو في الحياة...
أنا حاليا متزوجة كتبي ودراستي .. يعني العريس ما يجي على بالي غير إنشاالله لما اتخرج واشتغل وبعدين على 27 28 أفكر اتزوج..
لا ابدا ما يشغل بالي عااااااااااااااااااادي.. انا عايشة احلى حياة في بيت اهلي وكل شيء ابغاه متوفر اقرف نفسي بالزواج من بدري ليش؟

4) هل من المهم للفتاة أن تزيـــــد من اهتمامها بملابسها ؟ وماذا يعني المظهر الخارجي بالنسبة لك ؟

طبعا جدا مهم إن الله جميل يحب الجمال بس المبالغة وحشة..
المظهر الخارجي بالنسبالي يساوي الإنطباع الاول عني لاننا ناخذ الانطباع الاول عن الناس بناء على شكلهم ولما نعرفهم نحكم بناء على شخصيتهم ومهم جدا انو الانطباع الاول يكون حلو عشان الناس تتشجع وتتعرف على بعض..

5) ما هو أكثــر شي تخشينه في الحيــــاة ؟

أخشى إنو أحد من اهل والناس إلي احبهم يموت .. ويزداد الخوف لما يخطر على بالي انو ممكن يسير قبل ما اشوف الشخص دا واقلو انو انا احبو..
وأخاف من الفشل..

6) ماذا يعني المستحيل بالنسبة لك ؟

ضعف وانعدام العزيمة لانو مافي مستحيل في الحياة وعلى قدر اهل العزم تأتي العزائم..

7) ما الشيء الذي ترغبين بفعله .. ولكن العادات تحول دون فعلك له ؟

قيادة السيارة في بلدي والتمتع بالحرية الشخصية بدل ما اهاجر من بلدي عشان اعيش حرة..

8) ما أكثـر شيء ندمتي عليه .. ولو كان بيدك الأمر لقمتي بتغييره ؟

خطوبتي الاولى.. صح دحين كل واحد راح في طريقو بس لو اقدر ارجع الزمن ماكان وافقت من الاول.. بس الحمد لله


9) ما الذي ترغبين تحقيقه عل مستوى وطنك والناس ؟

إنشاء أول شركة هندسة عالمية تديرها فتاة سعودية.. وأخلي كل العالم يعرف إنو المرأة السعودية قادرة على التحقيق والإنجاز وإنها بمئة رجل... وأنها تملك العقل والجمال وليست دمية فارغة أو تافهة.. أو انها لا تصلح سوى لتربية الاولاد وتدلليل الرجل..

10) هل تتخيليـن حياتك من غير مكياج ؟

طبعا اساسا المكياج عندي مجرد شيء جانيبي وله وقتو مهو هواء ما اقدر استغني عنو.. صح المراة تحب الجمال بس مو معناتو انها تلصق وجهها في المراية طول اليوم.. ودا الشيء إلي الرجال مهم قادرين يفهمو.. انو تحت الجمال وتحت المخمل في قوة وارداة..مو مجرد شكل من برة فراغ من جوة..وأنا يوميا اروح الجامعة بدون مكياج.. عاااااااااااااادي

11) برأيك ما الصفــات التي تمتاز بها المدارس الحكومية عن الخاصة ؟

ولا صفة ... لانها صراحة اسوا.. الميزة الوحيدة انو في الفصل الواحد فيه 30 او 50 طالب ودا شيء مهو موجود في الخاصة.. وطبعا دي الميزة هي الاسوأ
بس بالنسة لية الخاصة احسن وارقى وافضل ومافيها غير مستويات محدودة ودا يضمن انو الاولاد ما يخطلطو غير بعينة معينة من الناس مو كل من هب ودب.. وغير دا المدارس الخاصة بحكم المبالغ إلي تاخدها تحرص على ترفيه الطلاب وراحتهم ومتابعتهم..
يعني مو بس احشي مخك وراجع بيتك.. وأنا عن نفسي طول حياتي أدرس في الخاص وحتى حاليا أدرس في كلية أهلية..
أحسن واكرم ..

12) ما الذي يمــيز الشباب ببلدك (على حسب جنسيتك)) عن غيــره ؟

في السعودية الشيء الوحيد إلي يميز الشباب.. انهم دايما دايما فاضين .. ولو لقو شغلة يعاكسو البنات في السوق..
ولو مافي بنات يجلسو في القهوة.. ولو مافي قهوة يرجع البيت ويعمل رجال على اخواتو واهلو على الفاضي.. بس دا مو الكل... دي مجرد فئة..
لكن دا ما يمنع انو في شباب طموح مثقف متعلم وراقي....